منوعات

بعد فيديو قبيلة الدناقلة.. داليا الياس:(لو قلتوا لى المارضك شنو… حأقول ليكم تانى وتالت ورابع وعاشر الشفع الشايلين المايكات ومطلوقين يقابضوا فى الشارع من طرف)

علقت الشاعرة السودانية داليا الياس على مقطع الفيديو الذي تم تداوله مؤخراً للمذيعة أبرار الطيب بقناة (شارعنا) و الذي وجهت فيه سؤال غير موفق و أثار الغضب اختص بحقيقة وصف قبيلة الدناقلة بصفة الغباء.

 

فكتبت داليا: (لو قلتوا لى المارضك شنو… حأقول ليكم تانى وتالت ورابع وعاشر الشفع الشايلين المايكات ومطلوقين يقابضوا فى الشارع من طرف ويحشوا الوسائط بى محتوى ركيك وسخيف ومؤذى يعكس أسوأ صورة عن البلد والمجتمع وكمان بقوا يأججوا الفتنة العنصرية ويتطاولوا على القبائل ويسخروا من الناس بدون رقيب.)

 

و أضافت داليا الياس:

 

(ياخ مية مرة حذرنا من البرامج دى ومحتواها وتفاصيلها… وهى ماشة متزايدة بدون رادع ولا ضمير.)

 

(يمين الدناقلة طيبة وتعاضد وتماسك وإحترام وبلح ماتديهو الجنبك

 

ليه يا أولادنا وبناتنا بتعملوا كده ياخ؟!

ما دام عندكم الإمكانيات لتقديم مادة ليه بتفتشوا الشين والقبيح والبلد مليانة جمال؟!! )

 

(ده فعلاً (شارعكم) براكم…. لأن إتجاهه عكسى ومليان مطبات… فأحترسوا).

تعليقات الفيسبوك

اترك رد

زر الذهاب إلى الأعلى