شاب يحكي تجربته مع شركات التسويق الهرمي: تعرضت للاحتيال و عرفت الموضوع دة ربا والشركة رفضت اعادة المبلغ
السودان الجديد – فيسبوك قام شاب برواية ما حدث له مع إحدى شركات التسويق الهرمي بالسودان في إحدى المجموعات القانونية على موقع فيسبوك.
و ذلك متسائلاً عن حقوقه القانونية في حال رفضت الشركة التعامل معه و إعادة قيمة الإشتراك بها حين فضه.
و حكى الشاب تجربته منذ البدء و كيف قام الشاب بالدخول إلى عالم التسويق الهرمي بواسطة هذه الشركة قائلاً:
(السلام عليك ورحمة الله
دخلت عن طريق واحد لي شركه تسويق هرمي وهي شركةصينية عالمية وصلت دخلت علي محاضره ذي ربع ساعة اتكلم لينا زول تابع للشركة عن الارباح بعد تسويق وكيف انو كلنا الشباب الفي محاضرة سنصبح ناس اثرياء وحنسافر برة سودان برعاية الشركة).
و تابع: (عندهم ثلاثة باقات للاشتراك اخترت اعلاها الذهبية بميتين الف جنية وهي رسوم الانضمام للشركة وسعر للباقة وحاستلم معدات اي اعشاب و فيتامينات وما حتنباع معاي لانها اقل من قيمة المبلغ حقي بالاضافة عندي ارباح كل ما ادخل زول جديد ويشتري باقة جديدة حتي ولوكانت فضية بخمسين الف بربح 18٪).
و أردف: (بعد مشيت البيت وعملت بحث في نت عرفت الموضوع دا ربا دا للاسف تعرضت للاحتيال وعندهم فروع في معظم الولايات في سودان مشيت ارجع ليهم الايصال ما داير اواصل معاهم رفضوا بحجة تم دخولي للنظام لا يمكن ارجاع الايصال والمبلغ).
و بعد رفض الشركة لإعادة المبلغ للشاب أكد قائلاً مخاطباً جمع القانونيين بالمجموعة: (الان داير افتح بلاغ موقفي القانوني كيف مع العلم حاستلم الفيتامينات وبطاقة حقتهم وسلعه بعد اسبوعين
من ثم الايصال فية الاسم الباقة والمبلغ من غير السلعة وعددها كم وسعرها كم وختم باسم المدير).
تعليقات الفيسبوك