مواضيع بارزة

هذا أبي الذي أفتخر به..شاب سوداني ينشر صورة لأبيه و هو يعمل قائلاُ ” اتربيت هنا في قدرة الفول دي..” قصة كفاح أب على لسان ابنه

قام شاب سوداني بنشر صورة على موقع التواصل الإجتماعي فيس بوك تحكي قصة كفاح عاشها والده بين طبيعة عمله ذو الدخل المحدود و تربية الأبناء.

 

و نشر الشاب الصورة في حالة من الفخر الشديد بوالده الذي تخلى عن العمل في المساق الحكومي عاقداً مقارنة بينه و بين أقرانه لتربية أبنائه بصورة صحيحة  رغم اتحاهه للعمل على تجهيز الأكلات الشعبية (الفول) للمارة بسوق أم درمان بالعاصمة السودانية.

و علق الشاب: ”

دا ابوي انا اتعلمت منو كتير انا واحد من الناس ما بعيب الشغل بالعكس بفتخر بيو انا اتربيت هنا في قدرة الفول دي في سوق امدرمان زقاقات الهتش أو زقاقات البنك احتمال تكونو صادفتو أو لا المهم ابوي دا بظبط فوله ظاااابطه اي صاح هو في الأرض و احتمال الاكل يكون فيو غبار و كدا يلا الزول ابقول انا انا بجي يشتري من ابوي لانو فولو سمح ابوي شغال في المحل دا احتمال بي عمري أو اكتر ما كلا ولا ملا ربنا تربيه صح و علمنا حاجات كتيرة في السوق الليلة مشيت اكلت عندو اتذكرت كل حاجه سمحه زمان. ابو كان شغال في البوليس زمان أو الشرطه أسى دفعتو ما أقل من لواء بس ابوي لمن عرف شغل الحكومة كلو حرام خلاهو و لجأ للقدرة بتاعت الفول و ابدع فيها.
ربنا يحفظ ابهاتكم ويطول في عمرهم ♥️
و تفاعل معه العديد من الناشطين على فيسبوك تعبيرا عن اعجابهم بالفخر الذي يكنه الشاب نحو أبيه بالرغم من امتهانه لهذا العمل البسيط.
و حازت الصورة على الكثير من الإعجابات و تداولها البعض كنموذج لكفاح الآباء و تكبدهم المشاق حتى يظهر الأبناء للمجتمع بصورة سليمة.

تـابعـنا علـى واتـسـاب


اترك رد

زر الذهاب إلى الأعلى