السودان الجديد ـ حزموا امتعتهم باكرا و استعدوا للرجوع و في طريق عودتهم من ربك إلى الكلاكلة كان ينتظرهم ما لا يتوقعون مسيرة تفجر البص و يتوزع الركاب بين قتلى و جرحى و قليل منهم من نجا فما الذي حدث؟
إحدى الناجيات من الحادثة تروي تفاصيل ما حدث منذ تحركهم من ربك و إلى وصولهم حيث وقع الحادث و هذا ما روته:
لا حولا ولا قوة إلا بالله إنا لله وأنا اليه راجعون بكل الحزن الفي الدنيا نحنا الركاب الباص الاتحرق يوم الاتنين اتحركنا من ربك يوم السبت وصلنا الخرطوم صباح الاتنين في ارتكاز التريعه الساعه عشره ضربت الباص مسيره يا الله يا الله من حرقت القلب ويا الله من وجعت قلبي ويا الله من مناظر الأطفال وكبار السن وهم جماجم في الباص وهو بيحرق ويا الله من حرقت قلبي علي سائق الباص ود جيرانه عماد وابن اختو سامر وابن خالتو محمد وهم جثامين
ويا وجعت قلبي علي اولاد مني السته كلهم ماتو الله يصبرك
ويا وجعت قلبي علي اولاد رانيه مزن ومحمد
ياخوانه قلبي محروق
ويا وجعت قلبي علي الاسره الركبت من عسلايه مع امهم لي العلاج ديل ما سلم من زول
ويا حرقت قلبي علي الحاج والحاجه البتهم ركبتهم من موقف الباص
انا قلبي محروووووووووق والله محروق
ويا وجعت قلبي علي مشاعر الكانت جنبي في المقعد وشها كلو حرق قال هي كويسه ازعفوها بس انا ما شفتها
انا واخواتي وخلاتي بت جيرانه الوحيدين السلمين في الباص كلو لحكمه يعلمه ربنا سبحان الله نحنا اكتب لينا عمر جديد مع اخواتي
انا واخواتي نزلنا من الباص عشان التفتيش ومعنا مني ورانييه هم قالو لي الاطفال ما تنزلو عشان العفش كان كتير ياخوانه الاطفال الفي الباص كلهم ماتو وماتو والله كلهم
سبحان الله نحنا ولا خدشه في أجسامنا
مني من سبعه اطفال فضل ليها واحد وابوهم وشو اتخرط
ورانيه الحمد لله فضل ليها بت وولد وابوهم عايش الحمد لله
ديل كانو معانه اثنا التفتيش
انا اسرتي ماما واختي رلفي وأخوي الفاضل وعلي ديل نزلوهم الدعامه في الشارع في اول ارتكاز دعامه في النيل الابيض ربنا يجمعنا بيهم قالو ركبوهم عربيه من الدويم بس لسه ما منهم خبر دعواتكم ربنا يجمعني بيهم
الدعامه ضربو ماما واختي زلفي ضرب شديد بصوط انا ما لاقيه منهم خبر دعواتكم ليهم ،
السودان الجديد
تعليقات الفيسبوك
