السودان الجديد _ كتبت الفنانة هدى عربي معربة عن حزنها من طول أمد حرب السودان خاصة بعد الأحداث الأخيرة التي شهدتها ولاية الجزيرة على صفحتها الرسمية بفيسبوك قائلة بحسب موقع السودان الجديد :
(بدت الحرب حين غفلة …
ما كان عندنا استعداد ولا في اخر بالنا وكنا شايفتها حاجة مستحيلة
وكأنو في ناس كانو جاهزين للكذب على المواطن اشتغلو علينا لا مجرد اشتباكات ساعات وح تنتهي لا كلها يومين تلاتة
زادت الايام طلعوا الناس من بيوتهم خوفا من الموت
البيوت اتسرقت المقتنيات كلها اتنهبت بقى بس هم الناس تسلم بي روحا
شبكونا ما مشكلة
المستشفيات انضربت انقفلت شبكونا ما مشكلة البنوك الاذاعة دار الوثائق الكباري اي صدمة كان وراها تخدير
انشقوا الناس ناس ضد روحهم ناس دايرين الخراب وفرحانين يهللو للخراب وناس من صميم واقعهم ومعاناتهم قالو ما دايرين حرب صنفوهم انهم عملاء
انشغلوا الناس في التخوين والتضليل وتوزيع صكوك الوطنية الى ان كبرت دائرة الحرب.
ولا زال الناس لسة اي زول يختلف في الرأي يصنف بالشرك. وعدم الوطنية
هو الوطن شنو غير ناس كويسين !؟؟ ناس قادرين يشتغلو عشان يبنوهو الوطن شنو غير اطفال بمشو مدرسة عشان يوم من الايام يكبرو ويشيلو الشيلة
الوطن شنو غير الامان !؟؟ ليه في ناس ما دايرين الامان ليه الناس الاتصدرت المشهد ما اشتغلت توعية في الناس بدل تضليل ايوة توعية عشان ع الاقل الناس تقدر توفق اوضاعا!؟؟
ليه اديتو الناس احساس الاطمئنان وخليتوهم اتغدرو!؟؟
حتى الناس الطلعو السواد الاعظم منهم طلع بي ميزانية تقعدهم شهرين واسي تسعة شهور وجزء طلع من غير اي ميزانية على قول ناس الفيسبوك طلعوا بي غيارين
الحرب بدت بين الجيش والدعم وكان دور الجيش يحسمها الى ان الت للمواطن وبقت عدييييل مع المواطن
ولسة هتاف بل بس عالي
طيب بلو اسي ريحو المواطن دة ما هو ما كل مواطن حامل سلاح
ما بجي زول شاطر يقول لي خلصتي حفلاتك حفلاتي ان شاء الله ما تخلص دة رزقي العايشة بيهو ما عندي اي زول بديني قروش عشان اقول بل بس ولا زول بديني قروش عشان اقول لا للحرب
بكتب وبقول البملي علي ضميري والشايفاهو صاح
كفاااااااانا ونفسي زول يجي يكتب لي انه هو واهله وجيرانه واي زول بهمه بخير وما اتغيرت في حياته اي شي وما فقد عزيز خالص
ما شغلتي تحسم بي بل او تفاوض همي الناس ترتاح بس
اما ناس تصفية الحسابات الشخصية شايفة وساكتة بمزاجي ).
السودان الجديد
تعليقات الفيسبوك
