عبّرت الشاعرة السودانية داليا إلياس عبر حسابها على موقع التواصل فيسبوك عن امتعاضها الشديد تجاه بعض المتابعين لصفحتها الذين يهاجمون بعض من منشوراتها بطريقة تضايقها كثيرا منوهة إلى أنها لا تستطيع تجاوز الهجوم الذي ليس هناك أي مبرر له حيث أبدت داليا إنزعاجها من تلك التعليقات التي اعتبرتها في غير محلها
و وجهت داليا رسالة شديدة اللهجة لبعض المتابعين عبر الصفحة من خلال منشور لها قائلة : “واحدة من الحاجات البتفور الدم فى الفيس ده… والغلبنى كلو كلو أتجاوزها زى مابنتجاوز الإساءة والغباء… إنو يجيك واحد عامل فيها الشريف الرضى ومركب ليهو مكنة صحابى ويقول ليك:
صورتك دى عورة…!!…وليانك ماشافوها؟!… راجلك عارفك بتكتبى فى شنو؟!!…ماعندك حياء!!..عجوزة وما محترمة نفسك!!.. يازولة شوفى ليك سبحة وإستغفرى!!!!
أجى يا بنات أمى؟!!!
ياخ أنا ماجيتك فى بيتكم… ولاقدمت ليك كرت دعوة لمتابعتى….وعندى رب قادر خبير وعارف النوايا وكاشف السرائر… وعندى ملكين عن يمينى وعن شمالى بيحصوا كل صغيرة وكبيرة… وماحتتحاسب بدلى… والدين البتعرفو ده كلنا بنعرفو….ولو القصة مناصحة فالمناصحة ذاااتا عندها شروط دينية…. فحقو بدل تتفلسف وتعمل لينا داعية وإنت أساااساً صايت الموية بالعود… تمشى تقرأ ليك آيتين ولا تصلى ركعتين بما إنك أحسن مننا ومتدين اكتر مننا…!!
ومن الأولى تدعوا لينا بالهدايه من المعصية بدل خالى شغلتك ومبارينا بى صكوك الغفران فى كل البوستات والتعليقات!!!
أستغفر الله العظيم وأتوب إليه ”
السودان الجديد
تعليقات الفيسبوك
